«Марат   Оспанов   атындағы   Батыс Қазақстна медициналық университеті»  КеАҚ  -  ның  профессор-оқытушылар құрамы мен  қызметкерлерін   аттестаттау   Ережесіне сәйкес   (04-08 Ереже БҚМУ 24.04.2024ж) персоналды дамыту бөлімі   ағымдағы жылдың  сәуір айының 14 – і және 21- і күні профессор-оқытушылар құрамын аттестаттауды жүргізетінінін хабарлайды. 

Қосымша сұрақтар бойынша: Бас ғимарат, Персоналды басқару бөлімі, 105  кабинетке жолығуларыңыз сұралады.

  Қосымша:
1)  2024-2025 оқу жылында аттестаттциядан өтетін ПОҚ тізімі
2)  М.Оспанов атындағы БҚМУ КеАҚ профессор-оқытушылар құрамын аттестаттау туралы ЕРЕЖЕ
3)  Өтініш
4)  Аттестаттауға ұсынылатын құжаттардың тізбесі
5)  Атқарылған жұмыс туралы есебі

Ғылыми-аналитикалық жұмыстар бөлімі университетте ғылымның дамуына үлес қосқан профессорлық-оқытушылар құрамын ынталандыру мақсатында «М.Оспанов атындағы БҚМУ» КЕАҚ «Үздік ғылыми қызметкері» сыйақыға байқау жариялайды. Байқау «М.Оспанов атындағы БҚМУ» КеаҚ «Үздік ғылыми қызметкері» ережесіне (03.03.2025 ж. № 9) сәйкес өткізіледі.
Конкурсқа қатысуға өтінімдер 2025 жылдың 30 наурызына дейін электрондық форматтағы сілтеме арқылы қабылданады: https://forms.gle/4BBUSH6rmmzBGsJF7

Сыйақыға үміткердің ғылыми жетістіктері келесі көрсеткіштер бойынша бағаланады:

1) Қазақстан Республикасында танылатын ғылыми дәреженің болуы;

2) уәкілетті орган берген ғылыми атақтың болуы;

3) таңдалған ғылыми бағыттағы ғылыми жобалар мен бағдарламаларды басқару;

4) таңдалған ғылыми бағыттағы ғылыми нәтижелердің қолжетімділігі мен сапасы (рецензияланған журналдардағы, отандық және шетелдік монографиялардағы мақалалар немесе шолулар, монографиялардағы тараулар, патенттер және т.б.);

5) жетекші шетелдік ғалымдармен бірлескен авторлықта таңдалған ғылыми сала бойынша беделді халықаралық рецензияланатын журналдарда мақалалардың болуы;

6) жоғары оқу орындарында бір немесе бірнеше пәндерді оқыту;

7) философия докторы (PhD) немесе осы саладағы докторы ғылыми дәрежесі берілген кадрларды даярлау;

8) өндіріске енгізу үшін ғылыми және ғылыми-техникалық қызметтің расталған нәтижелері;

9) ғылыми зерттеулердің сапасын, тиімділігін және әсерін арттыруға бағытталған қоғамдық жұмыс. 

«Университеттің үздік ғылыми қызметкері» және «Университеттің үздік оқытушысы» сыйақыларының жеңімпаздары, сондай-ақ Қазақстан Республикасы Ғылым және жоғары білім министрлігінің республикалық конкурсында «Үздік ғылыми қызметкер» және «Үздік оқытушы» номинацияларында жеңімпаз атанған тұлғалар 5 жыл бойы конкурсқа қатысуға құқығы жоқ.

Қосымшалар:
Конкурс тәртібі;
Үміткер өтінімі үлгісі.
Нұсқау

Жауапты тұлғалар:

Мамбетжанова Ә.М. – тел.: 87059173994

Абдірзақ К.Б. – тел.: 87781587810

Мемлекеттік грант негізінде білім алған азаматтарды бөлу, жұмысқа орналастыру және міндетті қызметке қабылдау мәселелерін түсіндіру мақсатында «Қаржы орталығы» АҚ өкілімен (спикер, бас маман Ақзира Серікқали) кездесу өтеді.

Өтетін күні: 11 наурыз.

Уақыты: 15.00.

Өтетін жері: А.Досжанова атындағы конференц-холл.

Қатысу міндетті!

Құрметті әріптестер,

Биостатистика секторы, ғылыми-зерттеу қызметінің менеджменті бөлімі сізді 2025 жылғы 24-28 ақпан аралығында өтетін "Зерттеу дизайны және статистикалық талдау негіздері" тақырыбындағы семинар-тренингке қатысуға шақырады.

Семинар-тренинг оқытушы-профессорлық құрамға, докторанттарға, магистранттар мен студенттерге арналған. Сабақты профессор Жамалиева Ләззат Манбетжанқызы өткізеді.

 

Семинарға тіркелу үшін келесі сілтемеге өтіп, тіркеу формасын толтырыңыз:

https://docs.google.com/forms/d/e/1FAIpQLSdrlk2nI0WPGnMjU5hF-xdbTSTKsiBMs32kpxZriRe4RnJ1LA/viewform?usp=dialog

 

Өткізу уақыты:2025 жылдың 24-28 ақпан, сағат 14:30-дан 17: 30-ға дейін

Өтетін орны: Ғылыми кеңес залы, бас корпус 2 қабат

Оқытушылар: Жамалиева Л.М., Гайсиева Ж. Н.

Мақсаты: Тыңдаушылардың ғылыми зерттеу әдістемесін, зерттеу дизайнын және статистикалық талдау дағдыларын жетілдіру.

Міндеттері:
Семинар соңында тыңдаушылар:

• Ғылыми зерттеулердің негізгі түрлерін және олардың сипаттамаларын біледі.
• Гипотезаны тексерудің негізгі статистикалық критерийлерін ажырата алады.
• SPSS бағдарламасына деректерді енгізу және деректер мәндерін өзгерту дағдыларын меңгереді.
• Сипаттамалық статистикалық талдау жүргізу дағдыларын игереді.
• Корреляция коэффициенттері мен конъюгация кестелерін пайдалана отырып, өзара байланысты талдай алады.
• Орташа мәндер мен пропорция теңдігіне қатысты статистикалық гипотезаларды тексере алады.

Семинар жоспары:

Күн	Тақырыбы
1	Зерттеу дизайнының негіздері: түрлері, таңдау әдістері және деректерді жинау стратегиялары. Айнымалылар, шкалалар туралы түсінік. Статистикалық деректерді талдауға кіріспе.
2	Обсервациондық зерттеулері. Деректерді кодтау және дерекқорға енгізу.
3	Эксперименттік зерттеулер. SPSS-те деректерді ұйымдастыру және жұмыс жасау. Деректерді өзгерту
4	Категориялық және сандық шкалаларға арналған сипаттамалық статистика.
5	Сандық айнымалылар арасындағы статистикалық байланысты анықтау. Орташа мәндерді салыстыру

 

Құрметпен,

Биостатистика секторы

Ғылыми-зерттеу қызметінің менеджмент бөлімі

Егер сіз магистратура немесе докторантурада оқуды жалғастыруды жоспарласаңыз, сізді «Жетістікке жету қадамдары: магистратура мен докторантураға апаратын жол» атты кездесуге шақырамыз.
И.В. Гёте айтқандай, «Адамның шын мәнісіндегі нағыз артықшылығы ғылымда» демекші, осы кездесудің мақсаты — сіздерді ғылым жолына бағыттау. Біз университетіміздің магистратура және докторантура бағдарламалары туралы толығырақ ақпарат бере отырып, оқу туралы ақпаратпен бөлісеміз және сұрақтарыңызға қуана жауап береміз.
Өтетін орны: 12 ақпан, сағат 14:00, Ғылыми кеңес залы. Сіздерді күтеміз!
Ұйымдастырушылар: Магистратура, докторантура және постдокторантура орталығы.

Өңірлік панельдік дискуссия
Байланыс үшін: +7-702-907-78-93, omnid@zkgmu.kz
Формат: офлайн және онлайн
Күні және уақыты: 28 ақпан 2025 ж. 14:00

Мақсаты: ғалымдардың, дәрігерлердің, денсаулық сақтау сарапшыларының және халықаралық ұйымдар өкілдерінің медициналық көмектің сапасын арттыру және АПВ-мен байланысты аурулардың алдын алу үшін күш-жігерін біріктіру.

Конференция спикерлері:

Кайдарова Диляра Радиковна, ҚР ҰҒА академигі, медицина ғылымдарының докторы, профессор, С.Асфендияров атындағы ҚазҰМУ бірінші проректоры (Алматы, Қазақстан).

Власов Василий Викторович, медицина ғылымдарының докторы, ҮЗУ ЭЖМ денсаулық сақтау басқармасы және экономика кафедрасының профессоры (Мәскеу, Ресей).

Аймагамбетова Гульжанат Нуратдиновна, Назарбаев университетінің профессоры, АПВ-ға қарсы вакцинация бойынша ұлттық шебер-жаттықтырушы, ДДҰ өкілі (Астана, Қазақстан).

Изтлеуов Ерболат Маратович, медицина ғылымдарының кандидаты, қауымдастырылған профессор, облыстың бас онкологы, М.Оспанов атындағы БҚМУ (Ақтөбе, Қазақстан).

Дмитрий Шек, онкология және гематология бөлімінің PhD маманы, Блэктаун ауруханасы (Сидней, Австралия).

Конференция әртүрлі елдердің онкология, вакцинация және дәлелді медицина саласындағы жетекші сарапшыларды біріктіреді.

Формат: онлайн.                          

Zoom конференциясына қосылу: https://us06web.zoom.us/j/2507599861?pwd=U0zzonve94eRDbvXVgyyC5rXCns8kg.1&omn=86828366353

Уақыты: 12 ақпан, Қазақстан бойынша 10:00.

Конференция идентификаторы: 250 759 9861.

Кіру коды: 02074815.

Өтетін күні: 12 ақпан.

Өтетін орны: Дәлелді медицина және ғылыми менеджмент кафедрасы.

Конференцияға дәрігерлерді, эпидемиологтарды, онкологтарды, акушер-гинекологтарды, сондай-ақ дәлелді медицина және қоғамдық денсаулық сақтау саласындағы сарапшылары, ғылыми және медициналық қоғамдастықтың өкілдері қатысады.

Ол үшін Сіз Ақтөбе қ., Астана және Алматы аудандарының қорғаныс істері жөніндегі бірлескен басқармасы (әскери комиссариат) әскери есепте тұруыңыз керек (барлық сұрақтар бойынша Маресьев көшесі 72, 26-кабинет, 54-16-92, 56-04-09 телефондарына хабарласыңыздар).

Оқуға арналған конкурсқа ЖОО-да күндізгі оқу нысаны бойынша оқитын студенттер конкурс өткізілетін жылға 24 жастан аспаған, соттылығы жоқ ҚР азаматтары қатыса алады. Запастағы офицерлерді даярлау бағдарламасы бойынша оқу үшін құжаттар 1 (4 жылдық оқумен) және 2 (5 жылдық оқумен) курс студенттерінен қабылданады. Запастағы сержанттарды даярлау бағдарламасы бойынша оқу үшін құжаттар 1-2 (4 жылдық оқумен) және 1, 2, 3 (5 жылдық оқумен) курс студенттерінен қабылданады.

Студенттерді әскери кафедраға іріктеу конкурсы 4 кезеңнен тұрады:

1-кезең — Ақтөбе қ., Астана және Алматы аудандарының қорғаныс істері жөніндегі біріккен басқармасы (әскери комиссариат) әскери кафедрасында оқуға жарамдылығын анықтау тұрғысынан медициналық куәландырудан өту;

2-кезең — кәсіби-психологиялық тестілеуден өту;

3-кезең — дене шынықтыру дайындығын тексеруден өту;

4-кезең — рейтингілік балл есебіне сәйкес жүзеге асырылатын конкурстық іріктеу.

Оқыту әскери әдіс күні әдісімен аптасына 1 рет жүргізіледі. Оқу ұзақтығы запастағы офицерлер үшін 2 жыл, запастағы лейтенант әскери атағы беріледі (оқу ақылы). Запастағы сержанттар үшін 1 жыл, запастағы кіші сержант әскери атағы беріледі (оқу ақылы).

Студенттердің конкурсқа қатысуға өтініштері Ақтөбе қаласында әскери есепке тұрғаннан кейін 2024 жылдың 12 ақпан айынан бастап қабылданады.

Конкурстық іріктеуге қатысу үшін құжаттардың тізімі:

1. Жеке куәлік (түпнұскасы мен көшірмесі).
2. Тіркеу куәлігі немесе әскери билет (түпнұсқасы мен кошірмесі).
3. Көлемі 3x4 см 2 сурет.
4. Соттылығының болуы не болмауы туралы анықтама.

Студенттің ЖОО-да нақты оқитыны туралы факультет деканы қол қойған анықтама.

Халықаралық медицина факультетінің 1-курс студенттерін Студент қатарына қабылдау шарасына шақырамыз!

Магистратура, докторантура және постдокторанттар орталығы Қазақстан Республикасы Білім және ғылым министрінің 2018 жылғы 31 қазандағы «Жоғары және жоғары оқу орнынан кейінгі білім берудің білім беру бағдарламаларын іске асыратын білім беру ұйымдарына оқуға қабылдаудың үлгілік қағидаларын бекіту туралы» №600 бұйрығында 2024 жылғы 3 мамырда өзгерістер мен толықтырулар енгізілгенін хабарлайды.

ҚР Білім және ғылым министрінің №600 бұйрығының 4-параграфының 30-тармақшасына сәйкес:

«Бейінді магистратураға саяси және әкімшілік қызметшілер лауазымдарының тізіліміне, тиісті салалардағы азаматтық қызметшілер лауазымдарының тізіліміне сәйкес басшы лауазымында кемінде бес жыл еңбек өтілі бар немесе білім беру бағдарламасының бейініне сәйкес мамандығы бойынша кемінде 10 жыл еңбек өтілі бар тұлғалар жоғары оқу орнынан кейінгі білім беру ұйымдары қабылдау комиссиялары өткізетін әңгімелесу нәтижелері бойынша ақылы негізде қабылданады».

Жоғары білім алу процесінде босаған бос білім беру гранттарына өту үшін ақылы негізде білім алатын студенттер арасында конкурс жарияланады. Конкурсқа ақылы бөлімде оқитын барлық студенттер автоматты түрде қатыстырылады. Платонус бағдарламасынан барлық ақылы бөлімде оқитын студенттердің GPA баллы алынады, сол себепті ешқандай құжат тапсыру қажеттілігі жоқ. Барлық ақылы негізде оқитын студенттер арасынан ең жоғары GPA балл жинаған студенттер таңдап алынады.

Қазақстан Республикасында мемлекеттік білім беру грантының бос орнына ұсыну Ғылым және жоғары білім министрінің м.а. 2023 жылғы 25 тамыздағы №443 бұйрығына сәйкес конкурстық негізде жүргізіледі.

 

Қазіргі сәтте білім беру гранттарына бос орындар мыналар:

1 курс – 1 орын «Медицина» мамандығы

1 курс – 1 орын «Педиатрия» мамандығы

2 курс – 1 орын «Медицина» мамандығы

3 курс – 1 орын «Медицина» мамандығы

1 курс – 1 орын «Қоғамдық денсаулық» мамандығы

Қалған курстар бойынша бос орындардың болмауына байланысты конкурс болмайды.

Медициналық құқық мәселелерін зерттеу институты ағымдағы жылдың 22-23 қаңтарында дәрігерлер мен хирургтарды, фармацевттер мен сарапшыларды, фельдшерлер мен акушерлерді, медбикелер мен лаборанттарды, менеджерлер мен аудиторларды, сондай-ақ кадр, заң, қаржылық қызмет мамандары және т.б. денсаулық сақтау қызметкерлерін семинарға қатысуға шақырады.

Екі күндік сабақтар (әрқайсысы 3 сағат) дәріс-семинар түрінде өтеді. Семинар барысында төмендегі тақырыптар бойынша презентациялар, кейстер, заңнамалық актілерге сілтемелер, сұрақ-жауаптар, проблемалық құқықтық жағдайлар қарастырылады.

1-күні: Медицина және фармацевтика қызметкерлерінің құқықтық қорғану әдістері мен құралдары, соның ішінде сыртқы қол сұғушылықтан (ұрып-соғу, қорлау, жала жабу, жанжал жағдайлары) және жұмыс берушіден (жарғылық емес қатынастар) қорғану, дәрігерлік қателік жағдайында қорғану, ар-намысты, абырой мен іскерлік беделді қорғау, негізді тәуекел, аса қажеттiлiк, қылмыстық процесте қорғану, басқа құқық бұзушылықтардан қорғану. Жанжалдан қорғану. Медицина қызметкерлерінің кәсіби жауапкершілігін сақтандыру. Тәуелсіз сараптау комиссиясының жұмыс тәртібі.

2-күні: Медицина және фармацевтика қызметкерлері заңды жауапкершілігінің түрлері. «Медициналық қате». Медицина және фармацевтика қызметкерлерінің қылмыстық-құқықтық жауапкершілігі. Медициналық көмек көрсетуге байланысты қылмыстар (ҚР ҚК 317-323-баптары). «Медициналық құпия». Медицина қызметкерлерінің әкімшілік-құқықтық (ҚР ӘҚБтК-нің баптары), азаматтық-құқықтық және тәртіптік жауапкершіліктері. Еңбек даулары. Кәмелетке толмаған науқастарға, сондай-ақ репродуктивті денсаулық саласындағы медициналық көмек көрсетудің құқықытық ерекшеліктері. Жүктілікті заңсыз үзу. Медициналық құжаттама (уақытша еңбекке жарамсыздық парағын немесе анықтамасын және қайтыс болу туралы анықтаманы беру тәртібі және т.б.).

Өткізілетін уақыты мен орны: семинар 22-23 қаңтарда, сағат 14-17 аралығында университеттің бас ғимаратында өтеді. Екі күндік семинарға қатысу төлем ақысы 10 000 (он мың) теңге (1 қатысушыға). Төлем көрсетілген соманы Kaspi.kz қосымшасы арқылы университет есепшотына аудару арқылы жүзеге асырылуы тиіс.

Семинар соңында қатысушыларға таратылатын материал мен сертификаттар беріледі. Дәрістерді институт жетекшісі Т.Жұмағазин жеке өзі өткізеді. Семинарға қатысу туралы институт жетекшісі Талғат Жұмағазинге хабарласуға болады.

Тел.: 8-701-521-5007. Электрондық пошта: t.b.zhumagazin@gmail.com